Иднината на познатиот Офицерски дом во Битола се уште не ги остава мирни жителите на градот под Пелистер.

Битолчани организираат нов протест за Офицерскиот дом за утре, во 16 часот, а во меѓувреме порашнешниот премиер Никола Груевски им вети целосна реконструкција на објектот.

Тие на Фејсбук-група „За подобра Битола” се мобилизираат за масовен собир пред вратите на Офицерскиот дом, каде ќе порачаат дека не го даваат „битолскиот Варсај”.

Во меѓувреме претседателот на ВМРО-ДПМНЕ најави целосна реконструкција и ставање во функција на Офицерскиот дом во Битола.

Груевски најави дека проектот е се реализира кон крајот на оваа или почетокот на наредната година, а инвестицијата ќе чини околу два милиони евра.

„Би сакал да истакнам и да е совршено јасно дека никогаш не би преземале ниту еден чекор со кој би наштетиле на граѓаните. Нивните потреби ни се најважни и затоа младите во Битола ќе добијат репрезентативно и целосно реконструирана зграда на офицерскиот дом. Го слушаме гласот и волјата на битолчани, рече Груевски.

Груевски најави дека Владата на ВМРО-ДПМНЕ ќе гради нов амфитеатар на локалитетот Скупи, кој ќе биде со 9.000 места и ќе ја реконструира библиотека ,, Браќа Миладиновци”.

Покрај ова, поранешниот премиер вети и загарантирано вработување на 100-те најдобри студенти на додипломски студии, секоја година и обезбедување стипендии на средношколци кои ќе освојат награда на научна олимпијада и изградба на нови пет скејт паркови.