Неколку потенцијални осомничени за убиството на семејствцото Ѓокиќ, ужасното злосторство во Алексинац, веќе поминаа на полиграф, јавува Пинк. 

Имено, сите полициски ресурси се вклучени во расветлување на убиството, а се очекува убијците да бидат уапсени, додавајќи дека денеска ќе биде извршена обдукција, па ќе се дознае причината за смртта.

Вчера беше извршено вештачење на запалениот автомобил, при што беше пронајден еден доказ. Извршителите добро го познавале теренот и се движеле наоколу за да ја направат логистиката за овој чин.

„Беа испрашани околу десет лица, сите го поминаа полиграфот. Никој од граѓаните што живее во реонот на селата Моравац и Тешице не слушнал пукање. Ќе видиме што ќе покаже обдукцијата. Се претпоставува дека убијците добро ги натопиле телата пред да ги запалат, а едно лице не можело да носи толку гориво“, изјавил новинарот Младен Мијатовиќ.

Треба да се потсети дека во саботата полицијата го пронајде запалениот автомобил на семејството Ѓокиќ, по кој се трагаше шест дена, а по деталното пребарување на теренот, речиси 10 километри подалеку во грмушките, ги пронајде телата.

Според неофицијални информации, две тела во грмушките биле јасно видливи, тие биле покриени со лисја и гранки, а судските екипи чекале да пристигнат на лице место, за да не случајно се оштетат некои докази. Форензичките експерти пронашле трето тело на ова место.

Извор: српски медиуми   Фото: Курир.рс