Поранешниот американски претседател Бил Клинтон беше фотографиран на летување во хрватскиот Мали Лошињ, пишува порталот Otoci.net.

Вчера попладне поранешниот претседател на Соединетите Американски Држави се прошета по крајбрежјето на Мали Лошињ. 

„Во придружба на неговите најблиски пријатели и дискретно обезбедување, вклучувајќи ги и локалните полицајци, Клинтон се прошета по шеталиштето на капетаните на Лошињ и крајбрежјето Прико, заштитувајќи се од сонцето со шапка со логото на Олимписките игри што ќе се одржат во Лос Анџелес за три години“, објаснува Otoci.net.

Се чини дека со него е и неговата сопруга Хилари, поранешна кандидатка за претседател на САД.