БиХ влегува во немирни води - можна поделба или војна?
Нова нестабилност и се заканува на Босна и Херцеговина. Земјата е во опасност од распаѓање и нова војна.
Кристијан Шмит, висок претставник за Босна и Херцеговина, изјави дека ако српските сепаратисти ја остварат својата закана дека ќе ја обноват својата војска, ќе ги поделат вооружени сили и тогаш повеќе меѓународни мировници ќе треба да се вратат назад за да се запре патот кон нова војна.
Лидерот на босанските Срби, Милорад Додик, се заканува дека ќе се повлече од институциите на државно ниво, вклучително и од националната армија изградена со меѓународна помош.
На 14 октомври, Додик изјави дека ќе ја принуди босанската армија да се повлече од Република Српска (половина на босанските Срби) опкружувајќи ги нејзините касарни и дека доколку Западот се обиде воено да интервенира, тој има „пријатели“ кои ветиле дека ќе ја поддржат српската кауза. Тој смета на помош од Русија.
Полицијата на босанските Срби изведе „контратерористички“ вежби минатиот месец на планината Јахорина, од каде што српските сили го бомбардираа Сараево во текот на опсадата од 1992 до 1995 година. Во 90-те имаше крвава војна во БиХ, која до ден денес носи поделби во општеството.
Слично
Поврзани вести
