Иако новата сезона на хит драмата беше феноменален успех и можеби помогна да се спречи егзодусот на клиентите на Нетфликс, сепак, компанијата ја пријави својата прва загуба на претплатници од 2011 година уште во април годинава, вест што беше проследена со стотици кратења на работни места и остар пад на цената на нејзината акција

Сепак, загубите на претплатници пријавени оваа недела беа најголеми во историјата на фирмата, при што во САД и Канада има најголем број откажувања во кварталот, по што следи Европа.

- Кога сте лидер, има само една насока да се оди, особено кога ќе започне голема конкуренција, што е она што Нетфликс го виде во последните неколку години - рече

Гај Бисон, извршен директор на Ampere Analysis.

Тоа е остра промена за Нетфликс, кој уживаше со години на навидум незапирлив раст, бидејќи го револуционизираше начинот на кој луѓето ширум светот ја консумираат забавата.

Нејзината позиција како глобален џин беше зацементирана со пандемијата во 2020 година, кога луѓето заглавени во своите домови без други опции за забава, се посветија на хитовите како Squid Game и The Crown.

Но, како што се враќаат навиките пред пандемијата, Нетфликс се бореше да привлече нови регистрирани - и да ја задржи лојалноста на постојните членови, особено кога кризата со трошоците за живот води до стегање на ременот.

Компанијата исто така се соочува со жестока конкуренција од Apple TV, HBO Max, Amazon Prime и Disney+. Нетфликс некогаш беше нарушувач, поради што продавниците за изнајмување видеа како Блокбастер беа излишни. Но, нарушувачот брзо станува нарушен, пишува Би-Би-Си. 

Но, компанијата реши да ги промени условите, и наместо повеќе приклучоци на една претплата, сега ги ограничуваат само на еден. Иако засега Нетфликс успева да привлече поголем дел од клиените, за разлика од неговите ривали. Многу домаќинства, исто така, продолжуваат да го идентификуваат како опција за стриминг што би ја задржале доколку бидат принудени да имаат само еден приклучок.

Севкупно, компанијата имаше приближно 220 милиони претплатници на крајот на јуни.

Но, компанијата, одамна навикната да објавува двоцифрен раст, се бори со своето најсериозно забавување во изминатите години, со приход во кварталот април-јуни од 7,9 милијарди долари, што е само 8,6 отсто повеќе на годишно ниво.

Цената на акциите на компанијата падна за повеќе од 60 проценти досега оваа година, бидејќи инвеститорите се заладени од нејзините перспективи.

- Загубата на претплатниците на Нетфликс беше очекувана, но тоа и понатаму е болна точка за компанијата која е целосно зависна од приходите од претплати од потрошувачите - рече аналитичарот на Инсајдер Интелиџенс, Рос Бенес.