Без странски работници, БДП на Хрватска би бил за осум проценти понизок. 

„Треба да работиме на нивна подобра интеграција во општеството и да обезбедиме добри услови за живот“, беше кажано денеска на конференцијата за странски работници и технолошки иновации во градежништвото и енергетиката, организирана од Здружението „Гласот на претприемачите“ UGP.

Претседателот на UGP, Борис Подобник, изјави дека Хрватска е принудена да вработува странски работници, бидејќи едноставно нема доволно домашни.

„Само треба малку да обрнеме внимание на бројките. Пред 40 години се родија 65 илјади Хрвати, а денес 31 илјада годишно. Имаме огромно старечко население, огромен број луѓе одат во странство да работат, а оние што останаа имаат свои потреби, а нам ни требаат работници“, рече Подобник.

Според неговата проценка, градежништвото најверојатно сочинува 40 проценти од странските работници, а во угостителството и туризмот околу 30 проценти.

Според него, најголемиот проблем со кој се соочуваат работодавците кога носат странски работници во Хрватска се административните процедури, пренесува seebiz.

foto Wikipedia/Honza Beran