Во Македонија за прв пат од утре ќе почнаат да работат советувалиштата за откажување од цигари во сите центри за јавно здравје.

Ова денеска на прес-конференција го најави министерот за здравство Никола Тодоров, кој појасни дека советувањето ќе биде бесплатно.

- Од утре до средината на август, советувалиштата ќе бидат достапни за лекарите. Од 20 август советувалиштата ќе бидат достапни и за сите заинтересирани граѓани кои ќе се обратат во Центрите за јавно здравје, а воедно ќе бидат воведени и посебни термини наменети за советување за откажување од пушење кај адолесцентите, рече Тодоров.

Програмата првенствено е наменета за здравствените работници кои се пушачи, а за граѓаните ќе биде отворена од 20. август.

Министерот исткна дека ќе има групна едукација на сите лица кои ги посетуваат советувалиштата (околу 10-тина во група), како и индивидуална едукација на лицата кои ќе искажат желба и волја да се откажат од пушењето.