Тргувањето во Кина беше прекинато во четврток, откако широкиот индекс CSI300 се распадна со 7% за втор пат оваа недела, соопшти CNBC. Тоа предизвика падови на пазарите во регионот, кои веќе почнаа слабо поради девалвацијата на јуанот и поевтинувањето на нафта.

Главниот индекс „Shanghai Composite“ се намали со 7,32%, кога беше активиран систем за прекин на трговијата, а помалиот „Shenzhen Composite“ се распадна со 8,34%. Процесот за запирање на берзанското тргување е врзано со CSI300 кој ги обединува најголемите компании на берзите во Шангај и Шенжен. Ако мерачот се намали за 5%, трговијата се запира за 15 минути, а ако намалувањето достигне 7 отсто - берзите запираат со работа во соодветниот ден. ХонгКоншкиот „Hang Seng“ се намалисо 3,09%

Генерално во четвртокот тргувањето во Кина траеше околу 15 минути.

Според Тони Лоусон, директор на единицата „Глобални пазари“ во „Societe Generale Newedge“ во Австралија, кинеската централна банка треба да е конзистентна во овие политики за да ја задржи довербата на инвеститорите. „Клучно за инвеститорите е поголема транспарентност при донесувањето на одлуките од страна на централната банка“, објаснува тој. “Ако има повеќе доследност, инвеститорите ќе се уверени дека кинеските власти имаат контрола над забавувањето на економскиот раст“, дополнува Лоусон.

Австралискиот индекс ASX 200 се намали за 2,20%, а падот кај енергискиот сектор е над 5%.

Јапонскиот Nikkei 225 забележа пад од 2,33%, а јужнокорејскиот Kospi - 1,1-процентно намалување. Енергетските компании ги затворија сесиите нагло надолу. Акциите на Woodside поевтинија со 5,11%, на Santos - со 7,41%. Во Јапонија акциите на Inpex и Japan Petroleum поевтинија односно со 5,18 и 3.13%.

Двете најголеми австралиски рударски компании - „Rio Tinto“ и „BHP Billiton“ - запишаа пад на цената на акциите од над 4%. Производителите на злато сепак предвидеа зголемување како кај Alacer Gold растот е 5,1%, а кај Newscrest - 1%. Златото во својство на инвестициски азил при економска несигурност достигна седумседмичен рекорд, а цената достигна 1 099 долари за унца. Акциите на оштетената Toshiba поевтинија за 3%. Во Јапонија се појави информација дека Sony и Fujifilm разгледуват заедно да испратат понуда за купување на бизнисот на Toshiba со медицинска опрема. Во Јужна Кореја акциите на Samsung Electronics, Samsung SDI и SK Hynix завршија на црвено. Јужнокорејските оружени компании чии акции поскапеа нагло претходната сесија поради тврдењето на Северна Кореја дека е тестирана хидрогенска бомба, запиша во четвртокот поевтинување на акциите меѓу 8,77 и 10,44%.