Регулаторната комисија за енергетика ги објави новите цени на нафтените деривати, кои ќе важат од ноќеска на полноќ па во следните две недели. Според одлуката на регулаторите, направена врз основа на пресметката на цената на нафтата на светскиот пазар и курсот на доларот, во следните две недели цените на бензините истануваат на исто ниво. Така ЕУРОСУПЕР БС-95 и во следните две недели ќе се продава за 77 денари за литар, а ЕУРОСУПЕР БС-98 за 78,5 денари за литар. Единствено се намалува цената на ЕУРОДИЗЕЛ (Д-Е V) и Екстрелесното масло за домаќинство (ЕЛ-1) и тоа за еден денар. Дизелот сега ќе се продава по цена од 64,5 денари за литар, а маслото за домаќинство ќе чини  53,5 денари за литар. Мазутот М-1 НС поевтинува за 0,091 денари за килограм и ќе се продава за 38, 752 денари за килограм.