Малопродажните цени на нафтените деривати согласно Методологијата за формирање на цените, се зголемуваат во просек за 2,30%, објави Регулаторната комисија за енергетика. Со ова, малопродажните цени на ЕУРОСУПЕР БС-95, ЕУРОСУПЕР БС-98 и ЕУРОДИЗЕЛ (Д-Е V) се зголемуваат за 2,00 ден/лит во однос на цените утврдени со Одлуката од 16.06.2014 година. Цената на ЕУРОСУПЕР БС-95 изнесува 83,00 ден/лит, цената на ЕУРОСУПЕР БС-98 изнесува 84,50 ден/лит, додека малопродажната цена на ЕУРОДИЗЕЛ (Д-Е V) изнесува 70,00ден/лит. Малопродажната цена на Екстра лесно масло за домаќинство (ЕЛ-1) се зголемува за 1,50 ден/лит во однос на цената утврдена со Одлуката од 16.06.2014 година и со тоа цената на Екстра лесното масло за домаќинство (ЕЛ-1) изнесува 58,50 ден/лит. Малопродажната цена на мазутот М-1 НС се зголемува за 0,31 ден/кг, во однос на цената утврдена согласно Одлуката од 16.06.2014 година и со тоа цената на М-1 НС изнесува 42,188 ден/кг. Ова не е единственото поскапување кое ги очекува граѓаните. Регулаторната комисија за енергетика секој момент треба да ја објави одлуката за нови, повисоки цени на струјата, а поскапувањето се очекува да достигне 3,5%. Освен ова, пред една недела беше усвоена и повисока цена за природниот гас, а од утре  стапуваат на сила повисоки акцизи за цигарите, со што може да се очекува и нивно поскапување.