Кресник Бектеши, министерот за економија, во интервју за Сител откри дека до крајот на септември во Македонија ќе следува договор со странска инвестиција во вредност од 20 милиони евра.

- Се работи за компанија од фармацевтската индустрија која ќе вработи 300 работници во слободната економска зона во Скопје. Тоа е уште една потврда дека одлично фунционира законот за финансиска подршка на странските и домашните инвестиции - рече Бектеши.

Тој додаде дека во тек е и промена на тарифницита за наплата за исцрпување на руда и минерални суровини.

= Не може да се плаќа 30 евра и за мермер и за црпење песок. Ценовникот ќе биде различен, но и сумите ќе бидат поголеми и истите ќе одат за подобро здравство, образование и животна средина - вели министерот.

Додаде дека пазарџиите со тоа што секој месец ќе плаќаат придонеси од 2.000 денари ќе го решат својот долгорочен статус и со издавањето на лиценците од нивното здружение ќе се обезбеди подобар квалитет на производите што ќе ги нудат.