Бектеши најави интервенции кај големите профитни маржи
Министерот за економија Крешник Бектеши, говорејќи во емисијата 24 анализа, рече дека денеска ги добил сите податоци од Царинската управа, Државниот пазарен инспекторат и утре ќе одржи координативен состанок со овие како и со останатите институции кои се релевантни во секторот трговија за да се испита каде има големо зголемување на профитните маржи.
– Во четврток ќе имаме состаноци со Стопанските комори и секторски со трговците на големо и со трговци на мало, и со производители на основни прехранбени производи и кон крајот на неделата ќе одлучиме согласно сите податоци, изјави Бектеши.
Бектеши најави интервенција од државата доколку се покаже дека има манипулации од одредени трговци и самите не ги вратат цените согласно некоја нормална маржа на добивка.
Според министерот, кај домашните производи ќе се анализираат влезните цени на суровините и производствените цени.
Слично
Поврзани вести
