Во Хрватска 85% од граѓаните сметаат дека треба да се укине летното и зимското сметање на времето. 

Вакво барање има и во самата Европска унија и за ова прашање Европскиот парламент во Стразбур наскоро ќе расправа. 

Индија, Јапонија и Кина се земји кои не користат вакво сметање на времето. 

И Русија пред неколку години, а Турција од неодамна ја прекина оваа пракса. 

Од 1500 испитаници во Хрватска, со различна возраст, образование, од различни делови 85% се изјасниле дека треба да се укинат летното и зимското сметање на времето. 

Од нив 68% сметаат дека овие промени негативно влијаат на здравјето на луѓето. 

73% кажале дека имале непријатности заради поместувањето на стрелките на часовникот. 

51% имале тегоби, 37% се соочиле со непријатности во сообраќајот, а 57% имале потешкотии во извршувањето на обврските.