Истражниот судија на загребскиот жупански суд денеска ја прифати кауцијата која денеска за одбрана од слобода ја понуди обвинетиот  загребски градоначалник Милан Бандиќ и неговите соучесници во аферата „Аграм“ кои и понатаму се наоѓаат во Реметница.

Обвинителката Ксенија Кризман после рочиштето река дека судијата Зденко Посавец го прифатил предлогот на осомичениот да му се одреди истражен затвор, но оставил можност сите да се бранат од слобода со приложена кауција која е поголема од претходно.

На Бандиќ, како што се дознава неофицијално, за излегување од Реметница е прифатена кауцијата од околу 15 милиони куни во недвижности на неговите пријатели, што е најголемата понуда за одбрана од слобода после 12,4 милиони куни кои во недвижности ги вложиле пријателите на поранешниот премиер Ив Сенадер, јавува хрватската државна агенција ХИНА.

Со истрагата се опфатени вкупно 16 лица и две фирми, а Обвинителството најавува блокада на имотот и испитување на најмалку 270 сведоци во текот на истрагата што може да потрае со месеци.

Во сите случаи, градоначалникот на Загреб се сомичи дека го оштетил градот со кој управувал 12 години, освен во случаите поврзани со претседателската изборна кампања каде поради неплаќање на данок на донации примени после изборите во 2010 наводно го оштетил и државниот буџет.

Вкупната штета Обвинителството ја проценува на околу 2,6 милиони евра.