За време на посетата на Србија американскиот потпретседател Џозеф Бајден изјави дека „САД има интерес од директни инвестиции во Србија“, пренесуваат локални српски медиуми.

Бајден го истакнал ова на заедничката прес-конференција со српскиот премиер Александар Вучиќ.

Американскиот потпретседател истакна дека САД обезбедиле „илјадници нови работни места во Србија и нивниот број ќе се зголемува паралелно со зајакнувањето на економските односи“. Тој го поздрави отворањето на нови поглавја на Србија во преговорите за пристапување кон Европската унија, истакнувајќи дека тоа е важен чекор за земјата.

Бајден исто така, објави дека САД и Србија се подготвени за нов договор за екстрадиција. „Постојат одредени меѓународни норми кои треба да се почитуваат. Овој договор има за цел да обезбеди успешна соработка и да помогне за решавање на растечките проблеми на безбедноста. Нашите вооружени сили се борат против „Исламска држава“ и ние и помагаме на Србија да стане подобро обезбедена воено, за да биде во можност да соработува со НАТО“, објасни тој.