Косово ќе ja "изгуби поддршката на САД", ако не гo исполнува договореното за создавање на Здружението на српските општини и не го ратификува договорот за демаркационата граница со Црна Гора, изјави американскиот потпретседател Џо Бајден на заедничката прес-конференција со претседателот на Косово Хашим Тачи во Приштина.

Српската агенција Танјуг go цитира Бајден кој вели дека договорот и создавање на Здружението на српските општини ќе влијаат позитивно на ситуацијата во регионот.

Потпретседателот на САД исто така, објави дека и премиерот на Косово Иса Мустафа, и претседателот Тачи се искажале позитивно во врска со продолжувањето на преговорите со Белград, со посредство на Брисел. "Ќе биде тешко, но е потребно. Со Вучиќ (премиерот на Србија), исто така зборував за прашањето", рече Бајден и истакна дека косовските политичари се должни да се придржуваат кон обврските преземени во Брисел.

Бајден изјави дека САД ќе продолжат да му помагаат на Косово и дека Вашингтон и има обезбедено на Приштина над 2 милијарди долари помош. "Нашата желба е да има силно Косово, кое ќе стане полноправна членка на ЕУ", истакна Бајден. Косовскиот претседател, Тачи рече дека дијалогот со Белград наскоро ќе продолжи, а проблемот поврзан со одбележување на границата со Црна Гора, е решен ".