Германскиот издавач „Axel Springer“, сакајќи да се фокусира на дигиталните медиуми, вчера објави дека ќе ги продаде регионалните весници, телевизиските програмски водичи и магазинот за жени. Цената на овој пакет изнесува 920 милиони евра, а истиот ќе отиде во рацете на медиумската група „Funke“, претходно позната како медиумска групација „WAZ“. Продажбата која ги вклучува дневните весници „Berliner Morgenpost“ и „Hamburger Abendblatt“ е во согласност со законите за обединување и забраната за картели, а договорот треба да стапи во сила на 1-ви јануари 2014-та година. „Axel Springer“ е издавач на најпродаваниот европски весник „Bild“ и од компанијата истакнуваат дека сакаат да продолжат да ја развиваат дигиталната стратегија поради тоа што сакаат да станат водечка дигитална медиумска група, како и да се фокусираат на главните весници „Bild“ и „Welt“ и да ги прошират нивните „online“ изданија.