Германскиот автомобилски гигант Mercedes откри дека соработува со Microsoft за нов софтвер наречен In Car Office кој на возачите ќе им овозможи да ги прегледуваат сите закажани обврски, состаноци и важни настани на шалт таблата. Системот ќе се интегрира со Microsoft Exchange програмата за пристап до календарот и белешките на Office и автоматски ќе ве известува за вашата следна работна обврска во текот на денот, како и да ви даде навигација до соодветната локација. In Car Office софтверот ќе биде пуштен во употреба во 2017-та за поновите генерации на автомобили на Mercedes-Benz. Секако, интерфејсот на In Car Office е прилагоден за автомобилска употреба и нема да му го одзема вниманието на возачот.