Она што недостасува во Австрија, го има во изобилство во Србија! Масовна имунизација на населението се спроведува секој ден, а бројот на вакцинирани расте од ден на ден. Во оваа балканска земја, не само локалното население, туку и туристите се вакцинираат со недели, пишува австрискиот Heute.

По холандскиот новинар кој беше вакциниран во Србија, сега и неговата колешка од Австрија сака да го стори истото, пишува Курир.рс.

„Јас исто така неодамна се регистрирав за бесплатна вакцинација преку српската е-влада. Формуларот за регистрација е пополнет по електронски пат. Сепак, тој е достапен само на кирилица. Мајка ми го преведе, и ако немате мајка што знае кирилица, можете да користите Google Translate. Исто така, работи“, се пошегува новинарката.

Таа понатаму наведува дека „покрај внесувањето лични податоци како име, место на живеење, е-пошта и број на пасош, се испитуваат и познати алергии и болести. Потоа можете да изберете каде во Србија сакате да се вакцинирате".

Таа исто така истакнува дека го избрала Белград.

„Времето на летот од Виена до српската престолнина е околу еден час. На второто поле можете да изберете вакцина. АстраЗенека, Фајзер, Синофарм, Спутник В,  се достапни. Помалку од една минута откако го пополнив формуларот, добив е-пошта со која се потврдува дека „Време е да се почека датумот на вакцинација“, заклучила таа.