Нема можност за гонење на која и да е држава од Шенген зоната, коментира комесарот за прашањата на миграцијата во ЕУ Димитрис Аврамопулос, цитиран од весникот "Катимерини".

Тој е убеден дека грчката влада наскоро ќе ги исполни потребните услови и ќе го задоволи Брисел.

"Излегувањето на земја од Шенген зоната не е побарано ниту дискутирано", рече тој во Атина, за време на галавечерта, организирана од списанието Economist.

Во неделата заменик-претседателот на ЕК, Валдис Домбровскис го анонсираше извештај за состојбата на Шенген зоната. Во него се наведуваат пропусти во обезбедувањето на безбедноста на просторот, кои биле регистрирани во Грција. Контролите биле направени во ноември.

Тоа веднаш го покрена прашањето за местото на Грција во Шенгенот и се закани со замрзнување на членството на земјата во просторот.

Аврамопулос коментира дека властите во Атина веќе ги преземат потребните мерки за подобрување на ситуацијата. Во ова увери и портпаролот на Владата на Алексис Ципрас - Олга Геровасили.

ЕК пак дава рок од три месеци од Грција, за да се справи со недостатоците - главно во однос на регистрацијата на мигрантите кои пристигнуваат во земјата.

Во меѓувреме грчкото Министерство за инфраструктурата нарача 1 150 монтажни куќи, во кои да бидат сместени бегалци во различни делови на Грција. Ова ќе чини околу 14 милиони евра. Дополнителни 1,5 милиони евра се трошоците поврзани со транспортот на бегалците.