Честичките на корона вирусот се наоѓаат во капките што ги исфрламе од респираторниот тракт. Српскиот виролог Миланко Шеклер објасни кои се најбрзите и најопасните.

-Лице заразено со корона вирусот, без разлика дали има симптоми или е целосно асимптоматски случај, додека само седи и дише може да исфрли стотици вирусни честички за само 60 секунди. Овој загрижувачки факт, што е уште еден доказ за важноста на носењето маска, го изнесе вирологот д-р Миланко Шеклер за Курир рс.

Тој исто така изјави дека ако тоа лице зборува, може да испушти до илјада честички вируси.

„Инфективната доза е најмалку 500 вирусни честички. Лицето кое е заразено, без разлика дали има симптоми или не, само седи со маса и нормално дише и ќе исфрли минимум 20 до 50 честички вируси за само една минута, а тоа бројката може да достигне и повеќе стотици“, вели д-р Шеклер.

Истовремено вели дека ако таа личност зборува, ќе испушти најмалку 200, па дури и до илјада честички. Ова е објаснување кое дава одговор на прашањето како е можно местата како рестораните да станат вистинско жариште на вирусот.

„Доколку има симптоми, тој исфрла повеќе од 100.000 вирусни честички со една кашлица за една минута“, рече вирусологот.

Капките кои ги исфрламе при кашлање, околу 3.000 различни големини, можат да се движат со брзина од сто километри на час. Шеклер објасни и како точно изгледаат нивните движења и кои се најопасни.

„Најголемиот број на микрокапки исфрлени при искашлување содржи корона вирус во огромни количини - илјадници во едно, тие се многу големи и тешки и над 90 проценти паѓаат во дијаметар под еден метар околу него. Околу десет проценти од најмалите капки, кои истовремено се и најлесни и подолго се задржуваат во воздухот, може да бидат исфрлени на растојание од три до четири метри. За среќа, тие имаат најмала доза на вирусни честички“, објасни тој.

„Значи, ако некој испушти 3.000 капки додека кашла, секоја од нив има и до неколку илјади вирусни честички, но тие ќе достигнат мала оддалеченост. Меѓутоа, доволна е само една капка да ви падне на носот, усните или да ја вдишете и сигурно ќе се заразите“, рече тој.