Голема полициска акција „Којот“ е во тек во Велес и други општини, а се апсат криумчари на мигранти, соопшти Основното јавно обвинителство за гонење на организиран криминал и корупција.

Се гони поголема организирана криминална група поради основи на сомневање дека подготвува и извршува повеќе кривични дела, и тоа Организирање на група и поттикнување на извршување на делата трговија со луѓе трговија со малолетно лице и криумчарење на мигранти, криумчарење мигранти, разбојништво, неовластено производство и пуштање во промет наркотични дроги, психотропни супстанции и прекурсори и недозволено изработување, држење и тргување со оружје или распрскувачки материи. Во рамките на акцијата се прават претреси на повеќе локации во Велес и други населени места.