На анкета во Србија секој трет испитаник рекол дека најблиски им се Црногорците, четвртина за најблиски ги сметаат Македонците и петтина од испитаниците рекле дека тоа се Унгарците и Бошњаците

Српскиот претседател Александар Вучиќ е само еден процент попопуларен од рускиот претседател Владимир Путин, што значи дека Путин би влегол во втор круг кога би можел да се кандидира на претседателски избори во Србија, а можеби и би го победил Вучиќ, рече денеска Зоран Пановиќ на презентацијата на истражувањето на „Демостат“, пренесува Н1.

Анкетата покажа дека претседателот на Република Српска, Милорад Додик, е најпопуларниот српски лидер по Вучиќ, а граѓаните го доживуваат унгарскиот премиер Виктор Орбан како домашен лидер. 

Вучиќ неколку пати кажа дека Србија е најпопуларна земја во Македонија, а Србите се најблиски на Македонците, и обратно.