Многумина сметаат дека политичката криза во која влезе Македонија е во тешка и безизлезна ситуација, особено сега откако аболицијата се поништи само делумно, а во Владата повеќе не се министрите на опозицијата. Од друга страна Пржинскиот договор тешко се спроведува, а тој предвидуваше Влада за организирање избори 6 месеци пред избори и оставка на премиерот 100 дена пред избори. На општествената сцена пак, не запираат протестите на „Шарената револуција“, а САД и ЕУ откако се заканија со санкции за македонски политичари, се чини сепак избраа решение за политички инклузивна солуција која ќе ги вклучи сите партии. Како и кога тоа ќе се случи, ќе има ли предвремени избори, нова Влада, ќе продолжат ли протестите? Кој е патот до решение на политичката криза во Македонија? Одговорите на ова прашање можете да ги дадете во анкетата подолу на порталот Фактор.