Анѓушев: Струјата нема да поскапи со новиот закон
Со донесувањето на новиот Закон за енергетика граѓаните ќе имаат избор било кој енергенс да го добијат на слободниот пазар од било кој снабдувач во Македонија, најави денеска вицепремиерот за економски прашања, Кочо Анѓушев.
Тој истакна дека со измените на Законот ќе се надминат конфликтните интереси во делот на гас и електрична енергија и ќе бидат задоволени сите директиви од третиот пакет на ЕУ.
За Предлог-законот денеска била одржана јавна расправа во Стопанската комора со Македонската енергетска асоцијација во делот на струјата. Утре ќе следи јавна расправа во делот на нафата и гасот, а во среда ќе има јавна расправа во Владата. Потоа законот треба да помине на владина процедура и да биде препратен во Собрание.
Анѓушев очекува до крајот на март да заврши редовната собраниска процедура за донесување на законот, а потоа се дава рок од девет месеци да се изберат универзален снабдувач кој ќе има договор од пет години за снабдување и да следи до крајот на 2018 годна целосната либерализација на енергетскиот пазар во земјава.
Министерот за економија Крешник Бектеши вели дека со либерализацијата право на избор ќе имаат сите граѓани од кого ќе се снабдуваат со конкурентни цени.Струјата нема да поскапи. Ова се барања од ЕУ и ЕЕЗ.
Законот за енергетика треба да го донесат до јуни 2018 година, а предлог закон ќе го разгледа Владата до крај на годинава. Законот е многу важен за економијата и државата и ќе се носи во редовна постапка со повеќе јавни дебати.
Слично
Поврзани вести
