Советот на јавни обвинители денеска повторно, ја одложи седницата на која требаше да биде разгледан извештајот на Специјалното јавно обвинителство за работата за период од 6 месеци. Претседателот на Советот, Петар Аневски објасни дека седницата се одложува поради недоаѓањето на обвинителката, Катица Јанева. „Денешната седница повторно е одложена и закажана за понеделник, во 11 часот, бидејќи по отворената дискусија меѓу членовите на Советот, заклучивме дека е нужно обвинителката Катица Јанева да дојде и да присуствува заради разјаснување на некои работи што ни се нејасни“ - рече Аневски. Тој рече  дека ќе достават писмена покана до специјалната обвинителка Јанева  за седницата в понеделник. Вели дека дел по дел го разгледуваат извештајот, и во понеделник ако се појави Јанева ќе кажат што е нејасно. Јанева вчера изјави дека нема намера да дава отчет, затоа што нема таква законска обврска.