Јанис Аманатидис, заменик министерот за надворешни работи на Грција во интервју за грчкото радио Real FM, изјави дека меѓу двете земји одредени делови од спорот за името веќе се договорени, а за други прашања и натаму се преговара.

„Постојат прашања за кои има доближување, дури и договор, а постојат и прашања за кои се разговара. Затоа, во овој период ќе се направи оценка на преговорите што ги водеше министерот за надворешни работи Коѕијас и ќе имаме следна средба на 30 март во Виена со присуство на Нимиц“ вели Амантидис.

Тој исто така додава дека освен точки во кои има приближување, има и уште многу точки за кои сѐ уште се разговара и се во преговори. 

„Направени се чекори, постои политичка волја и од другата страна и покрај тешкотиите што постојат и во ПЈРМ, за преговорите да одат напред и ова е позитивно“, вели заменикот на Коѕијас за грчкото радио

Амантидис не потенцираше ниту откри за кои точки се приближени позициите, а за кои се уште се преговара.