И Албанија го поздрави постигнатиот договор меѓу Србија и Косово. 

Министерката за Европа и надворешни работи, Олта Џачка на Фејсбук напиша дека Албанија го поздравува постигнатиот договор во Брисел меѓу Косово и Србија. Taa додава дека продолжувањето на дијалогот е во интерес на соработката.
Истото го стори и претседателот на Демократската партија, Љуљзим Баша, оценувајќи дека ова е важен чекор за намалување на тензиите и еднаков третман на граѓаните од двете страни на границата. Договорено е косовските власти да не ги симнуваат српските регистарски таблички, туку врз нив да ставаат налепници, а косовските специјалци од РОСУ да се тргнат од граничните премини Брњак и Јариње. На овие премини две седмици ќе остане КФОР. 

Откако по 10 дена тензии, Косово и Србија во Брисел се договорија за регистарските таблички, косовскиот премиер Албин Курти вели дека Србија ќе мора да се навикува на реципроцитет. 

Повеќе европски политичари го поздравија постигнувањето на договорот.