Повеќе од 20.000 луѓе излегоа на протести пред Владата во Тирана. Масовните протести се организираат против политиките на премиерот, Еди Рама. Освен што носат транспаренти и карикатури со владините функционери во затвореничка облека, дел од демонстрантите во раце носат и метли, со кои симболично сакаат да го „изметат ѓубрето“, како што велат, од нивната Влада.

Протестите ги предводат демократите, кои велат дека Албанија се претворила во земја на дрогата, на украдените избори и илегалниот парламент. Лидерот на Демократската партија Лулзим Баша, вели дека Албанија ќе оди напред само ако биде соборен премиерот Рама, за кого тврдат дека е поврзан директно со криминалните структури во земјата.