Во управата за игри на среќа на Црна Гора стигнале две барања од Албанија за приредување на овие игри откако во таа земја е забрането коцкањето.

„Кај управата за игри на среќа се во постапка две барања на економски друштва за добивање концесии, чии основачи и извршни директори се од албанско државјанство со престој во Албанија“, рекол Мирко Рајковиќ, самостоен советник во Управата за игри на среќа во Црна Гора.

Во Албанија на 2 јануари на сила стапи закон за забрана за обложување, после што се затворени 4 300 обложувалници. Обложувањето во оваа земја е дозволено само во хотели со пет ѕвезди и тоа надвор од урбаните подрачја.

Од концесијата од игри на среќа во минатата година Црна Гора приходувала 15 милиони евра, 28,6 отсто повеќе од годината пред тоа.