Германскиот машински сектор губи работници поради кинеската конкуренција и американските царини, објави  индустриското здружение VDMA.

Според нивните податоци, на крајот од 2025 година, околу еден милион луѓе биле вработени во машинската индустрија , што е за 22.000 помалку отколку во 2024 година и претставува пад од 2,2 проценти.

Во соопштението на VDMA се наведува дека намалувањето на бројот на вработени веројатно ќе продолжи во 2026 година , бидејќи многу компании сè уште ги чувствуваат негативните ефекти од американските тарифи и силната конкуренција од Кина, објави „Виршафтсвое“

Повеќето компании се обидуваат да задржат постојана работна сила поради недостаток на квалификуван персонал , но економската реалност ги принудува компаниите да го намалат бројот на вработени , изјави експертот за пазарот на трудот на VDMA, Фабијан Зојс.

Владата доби покана да интервенира

Тој ја повика владата да интервенира, на пример, со намалување на високите придонеси за социјално осигурување, но и со модернизирање на Законот за работно време, предлагајќи воведување на максимален број работни часови неделно, наместо дневно.

Пазарот на машинската индустрија, кој е еден од клучните сектори на германската економија , забележа пад на производството трета година по ред , но последниот квартал од 2025 година донесе мало зголемување на нарачките и надеж за пресврт .

Германската машинска индустрија се соочува со широки предизвици, слични на автомобилскиот сектор, каде што VDA неодамна објави намалување на околу 47.000 работни места во 2025 година.

Спротивно на тоа, германската хемиска и фармацевтска индустрија забележа само мало намалување на бројот на вработени.