Повеќе од стотина активисти на здружението за заштита на животните Анима Мунди, денеска протестираа во скопската општина Ѓорче Петров. Револтирани тие бараат полицијата да го реши проблемот со убиецот на коњот и тој да одговара за тоа. ,,Бараме полицијата, Агенцијата за храна и ветеринарство, општината Ѓорче Петров итно да интервенираат, да ни биде предаден живиот коњ, кучињата врз кои се изживува и кои ги држи за борби, а насилникот да биде зад решетки. Бараме казна за полицајците што не постапиле соодветно и иако можеле, не го спасиле сега веќе мртвото животно.’’ – велат од здружението. Тие порача „Полицијата да нè штити нас, а не криминалците“ и „Да се спаси вториот коњ“. ,,Бараме полицијата, Агенцијата за храна и ветеринарство, општината Ѓорче Петров итно да интервенираат, да ни биде предаден живиот коњ, кучињата врз кои се изживува и кои ги држи за борби, а насилникот да биде зад решетки. Бараме казна за полицајците што не постапиле соодветно и иако можеле, не го спасиле сега веќе мртвото животно" - велат од Анима Мунди. Протестот е организиран, откако во јавноста излезе приказната за смртта на коњот, чиј сопственик со денови го измачуваше и изгладнуваше, за со него да ги нахрани кучињата кои ги чувал за борби.