Активистите на граѓанската иницијатива ,,АЈДЕ” за денеска во 13 часот најавија ,,спектакуларно сечење на црвена лента” на новата зграда на Владата на Македонија. ,,За да учествувате на настанот и за да ви биде издадена потврда за влез, треба на „лице место“ пред Владата, да ни доставите список од најмалку 15 ваши роднини, пријатели и колеги. Не ја пропуштајте извонредната можност да пресечете лента и да се оградите од скапоцената владина ограда! АЈДЕ заедно да ги славиме нашите големи дела и успеси!Македонија оградена и вечна! За Македонија напреТ! Важно се (о)гради!" –  се вели во поканата на ,,АЈДЕ". На овој начин тие го покажуваат својот револт за поставувањето на железната оградата која чини 700 000 евра и со која се ограничува и пристапот до Владата.