Почнувајќи од овој месец Фактор и Нова консалтинг и едукација редовно, на неделна основа Ви ги нудат на увид сите законски измени што го тангираат работењето на компаниите. Со оглед на честите промени на законите ќе се обидеме најпрактично да им претставиме на компаниите и нивните одговорни лица какви тековни промени се потребни во работењето, од аспект на сметководство, даноци, консалтинг, ревизија. Оваа недела зборуваме за регресот за годишен одмор. РЕГРЕС ЗА ГОДИШЕН ОДМОР ВО ПРИВАТНИОТ СЕКТОР Минимален задолжителен износ на регресот е 40% од основицата: просечна месечна нето плата по работник во РМ исплатена во последните три месеци соглано податок објавен од Државниот завод за статистика,

• се исплатува под услов работникот да работел најмалку 6 месеци во календарската година кај ист работодавач,
• се исплатува еднаш во текот на годината,
• износот се утврдува според основицата која важи на денот на донесувањето на Одлуката за исплата и
• со колективен договор на ниво на дејност или колективен договор на ниво на работодавач може да се утврди регрес за годишен одмор во поголем износ од износот утврден со ОКДПС.

Според претходните правила, минималниот износ кој мора да се исплати како регрес за годишен одмор изнесува 40% од тримесечна нето плата исплатена во РМ како основица за утврдување на трошоци од работен однос согласно со членот 35 став 2 од ОКДПС. РЕГРЕС ЗА ГОДИШЕН ОДМОР ВО ЈАВНИОТ СЕКТОР Општиот колективен договор за јавниот сектор на Република Македонија (понатаму: ОКДЈС, почнувајќи од 5 мај 2010 година, задолжително и непосредно се применува врз органите на државната власт и други државни органи, органите на единиците на локалната самоуправа, установите, јавните претпријатија, заводите, агенциите, фондовите и други правни лица кои вршат дејност од јавен интерес (член 204 став 2 од ЗРО во врска со член 48 од Законот за изменување и дополнување на ЗРО - 130/09). Овој колективен договор, различно од ОКДПС, не предвидува право на регрес за годишен одмор кај трошоците поврзани со работењето . Здруженија на граѓани не се обврзници на гранскиот колективен договор, што значи немаат законска обврска да исплатат регрес за годишен одмор. ДАНОЧЕН ТРЕТМАН НА РЕГРЕСОТ ЗА ГОДИШЕН ОДМОР Персонален данок на доход При исплата на регресот за годишен одмор се пресметува и плаќа персонален данок од доход на целиот износ (по стапка од 11,1111% на нето износот). Данок на добивка Даночно признаен расход, за целите на составувањето на даночниот биланс, претставува износот на исплатениот регрес за годишен одмор во висина од 40% од просечната месечна бруто плата по работник во РМ, објавена до денот на исплатата (бруто надомест во кој е вклучен персоналниот данок на доход). Фактор.мк и Нова Консалтинг, пријатели на Вашиот бизнис!