Ако нема договор за зголемување на платите, ќе има генерален штрајк
Доколку нема договор за зголемување на платите, ќе има генерален штрајк.
Работниците ќе излезат на голем протест на 14 март, со барање за зголемување на минималната плата од 600 евра, како и зголемување на сите останати плати од 6.000 денари.
Протестот ќе почне во 12:05 часот, бидејќи, како што вели претседателот на ССМ, Слободан Трендафилов, одамна е поминато пет часот.
„14 март во 12.05 часот, бидејќи веќе помина пет до 12, помина 12 часот, од Работничката комора започнуваме нов протест до Собранието, Стопанската комора и Владата каде што конечно треба да се охрабрат работниците да излезат и да бараат зголемување на минималната плата како и зголемување на сите други плати. Се бориме за зголемување на платите на работниците за најмалку 6.000 денари, работниците, ако не излезат да се борат за зголемување на нивните плати, тогаш даваат одлични аргументи на Владата и на газдите дека платите во Македонија се добри“, рече Трендафилов.
Вели дека од почетокот на оваа година, работниците се посиромашни за 2.000 денари, а тие сакаат да им дадат само 1.667 денари и тоа не на сите работници.
Од ССМ додаваат дека 154.399 работници имаат плата под 30.000 денари, или 1/3 од работниците во Македонија имаат плата под прагот на сиромаштијата и овие работници се најмногу засегнати од потребата за раст на минималната плата.
Инаку, ССМ и претходно протестираше и постави блокади. Минималецот ќе изнесува нешто над 26.000 денари од месецот, но тоа не е доволно за покривање на животните трошоци. фото ССМ
Слично
Поврзани вести
