Apple достигна рекордно ниво на вредноста на акциите од 133,3 долари, но финансиските експерти ги предупредуваат инвеститорите да внимаваат бидејќи технолошкиот гигант е под очекуваното ниво на вкупна заработка поради намалената продажба на iPhone смартфоните во текот на 2016-та година.

Сега компанијата има проценета пазарна вредност од 700 милијарди долари што секако е многу високо, но е за 70 милијарди долари помалку од вредноста која беше поставена во рекордната 2015-та година. 

Исто така профитабилноста на самите акции се намалува бидејќи Apple во изминатите две години си откупи назад околу 1 милијарда акции за што потроши огромна сума на кеш пари, па така и со активностите на берзите придонесе за актуелниот раст на вредноста на акциите.

Apple годинава ќе мора да докаже дека е способен за повеќе иновации со јубилејниот iPhone X од чија продажба ќе се добие крајниот резултат дали е на добар пат или полека ќе се покаже кризата со намалени приходи.