Претседателот на ДУИ, Али Ахмети денеска ја пресече црвената лента на новиот Трговскиот центар во Сарај. Оваа инвестиција е финансирана од домашни бизнисмени, ќе донесе нови работни места. Целиот проект чини три милиони евра, а ќе се вработат 50 граѓани, изјави претседателот на Демократската Унија за интеграција Али Ахмети. Пред два дена, пак Ахмети свечено пушти во употреба пат во општината Чашка. Во присуство на министрите за животна средина Адеми и за правда Беџети, како и на дел од раководството на ДУИ, црвената лента ја пресекоа партискиот лидер Ахмети и градоначалникот на Чашка Горан Пановски.