Ахмeти и Нуланд разговараа за кризата и за евро-атлантската агенда
Лидерот на Демократската унија за интеграција, Али Ахмети денеска во Амбасадата на САД во Скопје се сретна со помошникот државен секретар на САД за европски и евроазиски прашања во Стејт департментот, Викторија Нуланд, како и амбасадорот на САД во Македонија, Џес Бејли.
„Ахмети и Нуланд, како секогаш отворено и пријателски разговараа околу начините како да се реши политичката криза во земјата и враќање на евро-атлантската агенда“- се вели во соопштението од ДУИ.
Нуланд ја изрази проценката на САД за конструктивната улога на Ахмети кон постигнување решение, како и тесната соработка со американските власти, додаваат од партијата.
„Ахмети ја увери Нуланд дека ДУИ е најконструктивна за изнаоѓање на решение како и изрази оптимизам за брзо постигнување на компромис од двете страни во наредните денови.
Овој компромис треба да резултира со сеопфатни, веродостојни и демократски избори што е можно поскоро“ - соопштуваат од ДУИ.
Ахмети ја информирал Нуланд околу предлозите на ДУИ за прочистување на Избирачкиот список и медиумите како и потребата за двете страни да се договорат дека се исполнети условите за избори, а потоа да се одреди датум за предвремени избори.
Тој побарал поддршка од Америка за следење на нашиот пат кон интеграцијата во НАТО и ЕУ.
Слично
Поврзани вести
