Лидерот на ДУИ Али Ахмети дебеска се сретна со евроамбасадорот Аиво Орав, со кого разговараше за резултатите од последните парламентарни избори и приоритетите за новата Влада - добрососедските односи, решавање на прашањето за името и интеграцијата на земјата во НАТО и ЕУ, информираат од ДУИ. „Разговорите за формирање на новата Влада што ги водат двете страни кои добија апсолутен легитимитет кај двете етнички заедници - ДУИ и ВМРО - ДПМНЕ, се започнати и се развиваат во правец на хармонизација на изборната платформа и на видувањата за иднината на земјата како и земање на поголема одговорност во овој мандат“, го информирал Ахмети евроамбасадорот. Евроатлантските интеграции се приоритет на ДУИ и затоа Ахмети ги поканил Брисел и Вашингтон на соработка за да се забрза овој процес во пресрет на самитот на НАТО во септември.