Лидерот на Нова демократија, Киријакос Мицотакис, синоќа го потврди ветувањето дека нема да го ратификува договорот постигнат меѓу Грција и Македонија во јуни, по објавувањето на доверлив документ на Викиликс од американската амбасада во Скопјена кој покажа дека името " Северна Македонија“ во 2008 година било прифатливо, под услов да го вклучи и признавањето на македонскиот јазик и националност.

"Денешното откровение од Викиликс дека Скопје од 2008 година прифаќа име " Северна Македонија " на нивната земја и нивните Македонци, кои наводно го зборуваат " македонскиот" јазик, трагично го потврдува она што го истакнав сите овие месеци. Тој [премиерот Алексис] Ципрас, [министерот за одбрана Панос] Каменос и [министерот за надворешни работи Никос] Коцијас сакаа да го презентираат својот крајно штетен договор како успех за Грција, иако е прифатено од грчка страна нешто што со години се одбивало од претходните грчки влади ", рече Мицотакис во изјавата.

"Ја повторувам мојата заложба: дека Нова демократија нема да го ратификува овој договор", рече тој.

Класифицираниот документ, насловен "Што им е потребно на Македонците за решавање на спорот за името", е датиран од 29 јули 2008 година и беше составен од тогашниот американски амбасадор, Џилијан Миловановиќ.

Документот покажува дека преговарачките ставови на Македонија не се измениле многу во текот на цела деценија и до одреден степен, според „Катимерини“ кој го објави материјалот од Викиликс, тие цели од македонска страна „се постигнати со потпишувањето на договорот во Преспа во јуни“.

Како одговор на забелешките на Мицотакис, министерот за надворешни работи Никос Коцијас подоцна објави соопштение во кое вели „дека е општо познато дека тогашниот премиер на БЈРМ, Никола Груевски, не сакаше никакво решение за спорот за името“.

"Во обид да ги насамари големите меѓународни играчи, [Груевски] се преправаше дека е принуден да прифати компромис. Никој не му веруваше, освен, во ретроспектива, г-дин Мицотакис ", изјави Коцијас во соопштението за печатот.

Коцијас додаде дека „протокот“ на Викиликс покажува дека Скопје сакало да го користи своето уставно име "Македонија" без какви било измени за домашна употреба - услов што Нова Демократија го прифатила во 2008, рече тој.

Коцјаас, исто така, рече дека тогашната влада на Нова Демократија, според она што покажува фајлот од Викиликс, се согласила за името "Северна Македонија", но Груевски повеќе пати ја отфрлил таа варијанта.