Адвокатската комора на РМ е за што поскоро завршување на штрајкот на вработените во судската администрација.

Ова е заклучокот од седницата на Управниот одбор  согласно кој се обратиле до Министерството за правда на Република Македонија, Судскиот совет на Република Македонија и Синдикатот на работниците од управата, правосудните органи и здруженијата на граѓани на Република Македонија (УПОЗ)

Од  Адвокатската комора на РМ ги поддржуваат напорите на двете страни за што поскоро изнаоѓање на прифатливо решение за проблемите коишто се причина за штрајкот.

Меѓутоа, нагласуваат дека и адвокатите трпат последици од неработењето на судовите, што е доволна причина штрајкот што поскоро да биде прекинат.