Членовите на ад хок телото за следење на медиумите за време на изборите, не постигнаа договор за избор на петтиот член.

Средбите ќе треба да продолжат в понеделник, а рокот за изборот на петтиот член, кој треба да биде Албанец, истече во средата. Изборот е заглавен на Даут Даути и Сефер Тахири. Слаѓана Димишкова и Цветин Чилиманов, предложени од ВМРО-ДПМНЕ, и Горан Трпеноски и Љубомир Костовски, предложени од СДСМ, се договорија повторна средба да имаат в понеделник. Ад хок телото за медиуми мора целосно да се формира до вторник. Телото ќе ги следи и казнува медиумите 100 дена пред изборите.  На 31 август, лидерите на четирите најголеми политички партии треба да одржат лидерска средба, на која треба да се прецизира  датумот за избори.