АД ЕСМ информира дека во РЕК Битола продолжуваат завршните активности за заокружување на процесот на т.н. нега на Блок 2 и дека в недела треба да биде ставен во функција. 

Претходно пукна цевка на котелот во Блок 1, а во Блок 3 изби пожар, поради што истиот подолго време нема да работи.

- Стручни лица од РЕК Битола, со поддршка на колеги од МЕПСО и ЕВН Македонија, како и експерти од Техничките факултети во Битола и Скопје, интензивно работат на оспособување на трансформаторот на Блок 3 кој беше оштетен во пожарот минатиот петок. Првичните, неофицијални наоди говорат дека пожарот го предизвикал висок напон кој дошол до трансформаторот преку електроенергетскиот систем. Генералниот директор на АД ЕСМ, Васко Ковачевски и директорот на производство на АД ЕСМ, Благојче Трповски при посетата на РЕК Битола најавија формирање на експертски тим од енергетските компании кој ќе ги дефинира чекорите за спречување на слични појави во иднина, објави АД ЕСМ.

Раководството додава дека е зголемена динамиката на ископ на јаглен во рудниците на РЕК Битола и формирањето на, како што велат, солидни залихи на депонијата од која се снабдува Термоелектраната.