Бордот на директори на Светската банка неодамна одобри заем во износ од 83 милиони евра за изградба на автопат помеѓу Скопје и граничниот премин Деве Баир, Ѓуешево од бугарска страна.

Средствата се наменети за изградба на делницата од Ранковце до Крива Паланка, на 10 километри од бугарската граница, а договорот за заемот треба да биде потпишан денес од страната на Министерството за финансии и Светска банка.

Од тие 83 милиони,  78 се наменети за изградба на експресниот пат додека пет милиони за  за воспоставување систем за управување со мостови и институционална поддршка.

Предвидено е патот да почне да се гради напролет а истиот ќе има должина од 26 км и четири ленти по две во правец.

Овој автопат е дел од „Коридорот 8“, кој ги поврзува Бугарија, Македонија и Албанија.

Изградбата ќе трае 3 години и делницата треба да биде отворена во 2019 година.

Ова е трет транспортен проект кој Светската банка го финансира во Македонија.