Баросо и Сеин се сретнаа во главиот град на Мјанмар, Најпидо и разговараа за чекорите, кои треба да се преземат за активирање на трговската размена по долгогодишните санкции, кои беа воведени за оваа азиска држава.

Претседателот на ЕК разговараше и со лидерот на опозицијата Аун Сан Су Чи.

Тој повика да се стави крај на верските убиства во Мјанмар, имајќи ги предвид судирите изминатите месеци меѓу будистите Рахини и муслиманите Рохинги, поради кои сто илјади лица ги напуштија своите домови. Околу 90 лица загинаа во најновите судири меѓу двете заедници минатата недела.

- Длабоко сме загрижени поради тие случувања и последиците што тие ги имаат врз реформите и демократизацијата на земјата. Се надеваме дека сите верски лидери ќе повикаат на воздржаност, посочи Баросо.