Грчките власти покренаа обвинение против 64 лица кои се вмешани во корупцискиот скандал од пред 17 години, со германски гигант „Сименс“.

Од истрагата велат дека државата загубила 70 милиони евра од договорот за продажба на опрема од „Сименс“ за Грчката телекомуникациска компанија „ОТЕ“, кој е потпишан во 1998 година.

Од судот прецизираа дека 64 грчки и германски државјани ќе бидат изведени пред суд. Против нив се покренати обвиненија за перење пари и примање на поткуп. Меѓу обвинетите има високи претставници на „Сименс“ и „ОТЕ“, како и поранешниот благајник на „ПАСОК“.

Двајца од обвинетите веќе не живеат во Грција, а другите се наоѓаат во Германија. Ако бидат прогласени за виновни, тие може да добијат казни и до 20 години.