Започна обуката на идните полицајци, во тренинг центарот на Бирото за јавна безбедност. Една година трае обуката која треба да ги подготви за вработување во полициска служба. Таа содржи теоретски и практични вежби во три области - јавен ред и мир, сообраќај и гранични работи. Вкупно 440 кандидати ќе ја поминат обуката во центарот во Идризово, но од нив ќе бидат вработени само најдобрите 400. Интересот за вработување во македонската полиција е исклучително висок. На конкурсот се пријавија над 5.500 кандидати. МВР спроведе строга селекција преку проверка на физичката и психичката подготвеност, знаењата и здравствената состојба на кандидатите, па изборот го стесни на 440. При изборот се водело сметка и за етничката и половата застапеност.