Семејствата кои претрпеа штети од вчерашното невреме во Тетовско, ќе добијат по 30 000 денари еднократна парична помош. Ваква одлука донесе, денеска, Владата на седница посветена за состојбата во Тетовско. Ќе се формира и комисија која ќе ја проценува состојбата на оштетените имоти. Вчерашното невреме што ја зафати Македонија најсилно беше во Тетовскиот регион, каде водената стихија одзеде четири животи и поплави повеќе од 200 објекти. Од Владата информираат дека Агенцијата за конфискуван имот ќе додели помош на семејствата со опрема и облека, а ќе биде отворена и сметка за донации.