Од Високиот комесаријат за бегалци при ОН (УНХЦР), објавија дека околу 224 000 бегалци и мигранти ги преминуваат границите и влегуваат во Европа преку Средоземното море.

Меѓу бегалците што стигаат во Европа најбројни се Сиријците, па Еритрејците, Авганистанците, Нигеријците и Сомалијците.

„Имаме бегалска криза пред вратата на Европа. Повеќето од оние што доаѓаат преку Средоземното море бегаат од војна и прогон, тоа не се економски мигранти“, истакнува Вилијам Спиндлер, портпарол на Комесаријатот.

Од Комесаријатот имаат податоци дека на патот до Европа повеќе од 2 100 луѓе умреле или исчезнале на море.

Од таму додадоа дека, кризата не е настаната од големиот број на мигранти, туку од некоординираноста на државите во Европа.