Во услови на криза, кога граѓаните се изложени на поскапување и намалување на куповната моќ, бирократите од ЕУ ги зголемуваат своите плати за 6,9 отсто.

Во внатрешниот документ на директорот за финансии на ЕУ, кој згрижува 50.000 вработени, се предвидува ова значително зголемување, поради што многу земји се побунија и бараат да се откаже се тоа, пишува виенскиот дневен весник „Естеррајх“.

Зголемувањето на платите е последица на автоматскиот процес на прилагодување на платата кон инфлацијата во Белгија и Луксембург.

Врз основа на ова, од 1 јули ретроактивно би се зголемила основната плата на функционерите на ЕУ.

Претседателката на Европската комисија, Урсула фон дер Лајен, врз основа на тоа зголемување би добила плата повисока за цели 2.015 евра, еврокомесарите за 1.643 евра, а пратениците во Европскиот парламент би добиле 632 евра повеќе.